Кыргызстандык талантуу үй-бүлө мүчөлөрүнөн түзүлгөн Salt peanuts аттуу жаз тобунун “Ата-бала” аталышындагы музыкалык альбому жарык көрдү. Топтун негиздөөчүсү Бакыт Кыдыкбаев жана анын уулдары Эркин, Кубан Кыдыкбаевдердин эмгеги "Грэмми" сыйлыгынын лауреаты, дүйнөдөгү легендарлуу жаз музыкасынын өкүлү Жон Линин АКШдагы студиясында жазылган. Чыгармачыл үй-бүлө учурда жаз музыкасын өлкөгө кеңири жайылтуу аракетин көрүп келет.